काठमाडौं । असोजको अन्तिम दिन आइतबार कोरोना भाइरसका ३९१ नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले अपान्ह जारी गरेको पछिल्लो कोरोना अपडेटअनुसार ८ हजार ७७ जनामा गरिएको परीक्षणमा ३९१ जनमा संक्रमण पुष्टि भएको हो ।
२४ घण्टाको बीचमा ६८० जना संक्रमित संक्रमणमुक्त भएका छन् । यसैअवधिमा ६ जनाको मृत्यु भएको छ ।
आज देशभर १२ हजार २९७ जना सक्रिय संक्रमित रहेका छन् । यीमध्ये ११ हजार २७८ होम आइसोलेसनमा रहेका छन् । १ हजार १९ संस्थागत आइसोलेसनमा बसेका छन् । भेन्टिलेटरमा ९८ जनाको उपचार भैरहेको छ भने २९९ जना संक्रमितको आईसीयूमा उपचार भैरहेको मन्त्रालयले जनाएको छ ।
नेपालमा कोरोना संक्रमणबाट मुक्त हुने दर ९७ दशमलव ०७ प्रतिशत पुगेको छ ।
प्रतिक्रिया