लुम्बिनी प्रदेश सरकारले उद्योग क्षेत्रलाई पहिलो प्राथमिकता दिएको छ : मुख्यमन्त्री केसी

बुटवल । लुम्बिनी प्रदेशका मुख्यमन्त्री कुलप्रसाद केसी ‘सोनाम’ ले लुम्बिनी प्रदेशको विकासका लागि उद्योग क्षेत्र नै पहिलो अधार भएको बताएका छन् । घरेलु तथा साना उद्योग महासंघ लुम्बिनी प्रदेशको दोस्रो अधिवेशनको उद्घाटन गर्दै मुख्यमन्त्री केसीले प्रदेश सरकारले औदोगिम विकासलाई पहिलो प्राथमिकता दिएको बताए ।

उनले लुम्बिनी प्रदेशलाई घरेलु तथा साना उद्योगको हव बनाउनको लागि लुम्बिनी सरकार लागि परेको बताउँदै घरेलु तथा साना उद्योगको क्षेत्रबाटै बहुसख्यक मानिसहरुलाई रोजगारमुखी बनाउन सकिने स्पष्ट पारे । नेपालको विकासका लागि पनि साना उद्योगहरुलाई विकास र विस्तार नगरी सम्भव नभएको बताउँदै उनले त्यसमा नै सबैको ध्यान केन्द्रीत गर्न आवश्यक रहेको बताए ।

मुख्यमन्त्री केसीले लुम्बिनी क्षेत्रका उद्योगी र व्यवसायीका लागि प्रदेश बैंक स्थापना गरिएको उल्लेख गर्दै त्यस्ता बैंकबाट सस्तो व्याजमा ऋण प्रदान गर्ने सरकारको तयारी रहेको जानकारी दिए । घरेलु उद्योगबाट आम मानिसलाई समृद्ध गर्ने तर्फ सबैले ध्यान जानु पर्ने उनको भनाई छ ।