२४ घण्टामा १२ हजार ३३८ जनालाई कोरोना संक्रमण पुष्टि

खबर कुरा
६ माघ २०७८, बिहीबार
                 

काठमाडौं । कोरोना भाइरसको तेस्रो लहर सुरु भएयता नेपालमा दैनिक संक्रमितको दर निकै बढेको छ ।

बिहीबार १२ हजार ३३८ जना संक्रमित थपिएका छन् । स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांक अनुसार २७ हजार ४९७ जनामा गरिएको नमूना परीक्षणमा यति धेरै संक्रमित थपिएका हुन् । यसमध्ये १० हजार ५२ जना पीसीआर विधिबाट गरिएको परीक्षणबाट संक्रमित भएका हुन् ।

२४ घण्टाको बीचमा ६४९ जना मात्र संक्रमित निको भएका छ्न् । यसै अवधिमा ४ जनाको मृत्यु भएको छ ।

आज देशभर सक्रिय संक्रमितको संख्या ५७ हजार ३२८ पुगेको छ । आजको संक्रमण दर ४७ दशमलव ९ प्रतिशत रहेको छ ।

यसमा तपाइको मत

Your email address will not be published.


*