सभामुखले बोलाएको सर्वदलीय बैठक सिंहदरबारमा जारी

काठमाडौं । सभामुख अग्नि सापकोटाले बोलाएको सर्वदलीय बैठक जारी छ ।

सिंहदरबारमा बसिरहेको बैठकमा संसदमा प्रतिनिधित्व गर्ने राजनीतिक दलका शीर्ष नेताहरु सहभागी छन् । तर, प्रमुख प्रतिपक्षी नेकपा एमालेले भने सभामुखले बोलाएको बैठक बहिस्कार गरेको छ ।

सत्तारुढ दलका सांसदहरुले प्रधानन्यायाधीस चोलेन्द्र शमशेर जबरा विरुद्ध महाअभियोगको प्रस्ताव दर्ता गराए लगत्तै सभामुख सापकोटाले हिजो सर्वदलीय बैठकको आह्वान गरेका थिए । बैठकमा महाअभियोग परामर्श समिति गठनबारे छलफल हुँदैछ । यस्तै एमसीसी अनुमोदनका लागि संसद बैठकमा प्रवेश गराउने विषयमा समेत दलका नेताहरुले सभामुखलाई पार्टीगत सुझाव दिनेभएका छन् ।

बैठकमा प्रधानमन्त्री एवं कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, जसपाका उपेन्द्र यादव, राष्ट्रिय जनमोर्चाका उपाध्यक्ष दुर्गा पौडेल लगायतका नेताहरु सहभागी छन् ।