२४ घण्टामा ७८१ जनामा कोरोना संक्रमण पुष्टि, थप २ को मृत्यु

काठमाडौं । पछिल्लो २४ घण्टामा थप दुई जना कोरोना संक्रमितको मृत्यु भएको छ । २४ घण्टाको बीचमा ७८१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा ५११ जना संक्रमणमुक्त भएका छन् ।

मन्त्रालयका अनुसार ४ हजार ७१२ जनाको परीक्षण गर्दा ७८१ जनामा संक्रमण पुष्टि भएको हो । २ हजार २१९ जनाको पीसीआर परीक्षण गर्दा ४१९ जनामा संक्रमण देखिएको थियो । यसैगरी २ हजार ४२२ जनाको एन्टिजेन परीक्षण गर्दा ३६२ जनामा कोरोना पुष्टि भएको मन्त्रालयले आफ्नो तथ्यांकमा उल्लेख गरेको छ ।

आज थपिएकासहित नेपालमा कोरोनाका सक्रिय संक्रमितको संख्या ५ हजार ७७५ पुगेको छ । यीमध्ये ८ जनाको भेन्टिलेरमा राखेर उपचार भइरहेको छ ।