बुटवल । सिटिजन बैंक इन्टरनेसनल लिमिटेडले रुपन्देहीको देवदह भलुहिस्थित भलुही खानेपानी उपभोक्ता तथा सरसफाइ संस्थालाई खानेपानी मिटर रिडर मेसिन प्रदान गरेको छ ।
खानेपानी उपभोक्ता समितिका पदाधिकारी, उपभोक्ता, समाजसेवी, बैंकका कर्मचारीको उपस्थितीमा सिटिजन बैंक इन्टरनेसनल बैंकका लुम्बिनी प्रदेश बुटवल पुर्वका कलस्टर हेड कपिल पोखरेलले खानेपानी संस्थाका अध्यक्ष राम प्रसाद सापकोटालाइ उक्त मेसिन हस्तान्तरण गरे ।
खानेपानी संस्थाका अध्यक्ष राम प्रसाद सापकोटाले सिटिजन बैंकले मिटर रिडिङ्ग मेसिन सहयोग गरेकोमा धन्यवाद व्यक्त गर्दै बैंकका ग्राहक र खानेपानी सस्थाका उपभोक्ता एउटै भएकोले आगामी दिनमा साझेदारी गरेर अगाडि बढिने बताए ।
कलस्टर हेड कपिल पोखरेलले बैंकले जनताको वित्तीय आवश्यकता परिपुर्ति गर्न बैंकिङ्ग सेवा सगै सस्थागत सामाजिक उत्तरदायित्व बहन गर्दै आएको र आगामी दिनमा पनि निरन्तरता दिने जानकारी दिए ।
बैंकका भलुही शाखा प्रबन्धक विष्णु पाण्डेले बैंकले उत्कृष्ट बैंकिङ्ग सेवा सगै सस्थागत सामाजिक उत्तरदायित्व अन्तरगत मिटर रिडिङ्ग मेसीन हस्तान्तरण गरिएको जानकारी दिए।
प्रतिक्रिया