बुटवल । नेपाल पत्रकार महासंघ रुपन्देहीको अधिवेशन अन्तर्गत आज निर्वाचन हुदैछ । यसअघिनै उपाध्यक्ष (खुल्ला)मा विश्वास ढकाल र्निविरोध निर्वाचित भएका छन् । उपाध्यमा उम्मेद्वारी दिएका प्रकाश पाण्डेले उम्मेद्वारी फिर्ता लिएपछि ढकाल र्निविरोध निर्वाचितभएको निर्वाचन समितिले जनाएको छ ।
यस्तै अन्य समावेशीमा सदस्य पदमा पनि गोविन्द बहादुर घर्ती र्निविरोध निर्वाचित भएका छन् । प्रदेश परिषद् सदस्यमा १३ जना र केन्द्रीय परिषद सदस्यमा ३ जना निर्विरोध निर्वाचित भैसकेका छन् ।
महासंघ रुपन्देहीको अध्यक्षमा ३ जना चुनावी प्रतिस्पर्धामा रहेका छन् । प्रेसचौतारी र युनियनको प्यानलबाट दिनेश पाण्डे चुनावी मैदानमा छन् भने प्रेस सेन्टर, समाजवादी प्रेस संगठन, प्रगतिशिल पत्रकारको संयुक्त प्यानलबाट विनोद परियार चुनावी प्रतिस्पर्धामा रहेका छन् ।
यस्तै प्रेस चौतारीकी केन्द्रीय सदस्य अमृता अनमोलले पनि अध्यक्षको प्रतिस्पर्धामा छिन् । बागि उम्मेद्वारी दिएको भन्दै अनमोललाई प्रेस चौतारीले निष्काशन गरेको छ ।
जिल्ला शाखा अधिवेशनको उपाध्यक्ष महिला पदमाउषादेवी पन्थ, माया केसी र मिना पाण्डे (अस्मीना) चुनावी मैदानमा छन् । यस्तै सचिव पदमा सीपी खनाल र कविराज अधिकारी चुनावी मैदानमा रहेका हुन । यस्तै सह सचिव पदमा झविन्द देवकोटा, टेकराज भुषाल चुनावी मैदानमा छन् । सहसचिव समावेशीमा सुमन रश्मी श्रेष्ठ, राधेश्याम विश्वकर्मा र सुनिता चँदाली मैदानमा छन् ।
प्रेस युनियनले सहसचिवमा बागी उम्मेदवारी दिएका राधेश्याम बिश्वकर्मा र सदस्य खुल्लामा उम्मेदवारी दिएकी पुजा पन्थीलाई संगठनबाट निश्काषन गरेको छ ।त्यस्तै कोषाध्यक्ष पदमा नरेश केसी र सञ्जय विश्वकर्मामा चुनावी मैदानमा रहेका छन् ।
आज बिहान १० बजेदेखि मतदान सुरु हुदैछ । रूपन्देहीमा २५८ जना मतदाता रहेका छन् ।
प्रतिक्रिया