काठमाडौं । प्रधानमन्त्री बालेन्द्र शाह आज पनि संसद बैठकमा सहभागी नहुने भएका छन् ।
आफ्नै सरकारको नीति तथा कार्यक्रमलाई छलफलमाका लागि टेबल गर्ने र उठेका प्रश्नको जवाफ दिनुपर्ने दायित्व भएपनि प्रधानमन्त्री शाहले त्यसलाई टारेपछि हिजोको प्रतिनिधिसभा बैठक पटकपटक अवरुद्ध भएको थियो ।
विपक्षी दलहरुले प्रधानमन्त्रीलाई जवाफ दिनका लागि बोलाउन रुलिङ गर्न सभामुखलाई पटकपटक आग्रह गरेपनि सम्भव नभएपछि बैठक अवरुद्ध हुन पुगेको थियो । सभामुखले हिजोको अन्तिम बैठकलाई सम्बोधन गर्दै आजका लागि प्रधानमन्त्रीले जवाफ दिने गरी कार्यतालिका पढेर सुनाएका थिए ।
तर प्रधानमन्त्री शाहले आज पनि संसद बङ्क गर्ने गरी कार्यसूची सार्वजनिक गरिएको छ । प्रधानमन्त्रीको तर्फबाट अर्थमन्त्रीले जवाफ दिने कार्यसूची रहेको छ ।
प्रधानमन्त्री अनुपस्थित हुनेभएपछि आज पनि विपक्षी दलहरुले संसद बैठक अवरुद्ध गर्ने तर सभामुखले संसद नियमावलीअनुसार विरोधकै बीच संचालन गर्ने संभावना बढेर गएको छ ।
प्रतिक्रिया