काठमाडौं । जिल्ला अदालत काठमाडौंले मेडिकल व्यवसायी दुर्गा प्रसाईंलाई दुई लाख रुपैयाँ धरौटीमा छाड्न आदेश दिएको छ ।
विद्युतीय कारोबारसम्बन्धी कसुरमा मुद्दा चलाइएका प्रसाईंलाई जिल्ला न्यायाधीश उमेशप्रसाद लुइँटेलको इजलासले मंगलबार दुई लाख रुपैयाँ धरौटी लिएर छाड्न आदेश दिएको हो ।
राष्ट्रियता, धर्म, संस्कृति तथा नागरिक बचाउ महाअभियानका संयोजकसमेत रहेका प्रसाईंविरुद्ध राष्ट्रिय स्वतन्त्र पार्टी (रास्वपा)की सांसद रचना खतिवडामाथि गरेको टिप्पणीका आधारमा विद्युतीय कारोबारसम्बन्धी कसुरमा अभियोग दर्ता गरिएको थियो ।
उक्त मुद्दामा अदालतले प्रसाईंलाई धरौटीमा रिहा गर्न आदेश दिएको हो ।
प्रतिक्रिया