१ मंसिर २०८३, मंगलबार | November 17, 2026

सुदूरपश्चिमलाई ६ विकेटले हराउँदै लुम्बिनी एनपीएलको फाइनलमा



काठमाडौं । सुदूरपश्चिम रोयल्सलाई पराजित गर्दै लुम्बिनी लायन्स नेपाल प्रिमियर लिग (एनपीएल) को फाइनलमा प्रवेश गरेको छ । मंगलबार सम्पन्न पहिलो क्वालिफायरमा लुम्बिनीले सुदूरपश्चिमलाई ६ विकेटले पराजित गरेको हो ।

सुदूरपश्चिमले दिएको १०६ रनको लक्ष्य लुम्बिनीले १६ ओभर ४ बलमा ४ विकेट गुमाएर पूरा गर्‍यो ।

लुम्बिनीका लागि निरोशन डिकवेलाले सर्वाधिक ५९ रन बनाए। ३७ बलको सामना गरेका उनले ७ चौका र २ छक्का प्रहार गरे । त्यसैगरी, कप्तान रोहित पौडेलले २८ बलमा २१ रन बनाए ।

बलिङतर्फ सुदूरपश्चिमका थरिन्दु रत्नायकले २ विकेट लिए भने हेमन्त धामी र स्कट कुगलाइनले समान १ विकेट हात पारे ।

यसअघि कीर्तिपुरस्थित त्रिवि अन्तर्राष्ट्रिय क्रिकेट रंगशालामा टस हारेर पहिले ब्याटिङ गरेको सुदूरपश्चिमले निर्धारित २० ओभरमा ८ विकेट गुमाउँदै १०५ रन बनाएको थियो ।

सुदूरपश्चिमका लागि कप्तान दीपेन्द्रसिंह ऐरीले सर्वाधिक ५२ रन बनाए । ५१ बल खेलेका उनले ३ चौका र १ छक्का प्रहार गरे। त्यस्तै, ईशान पाण्डेले ३३ बलमा २७ रन जोडे । अन्य ब्याटरले दोहोरो अंकमा रन बनाउन सकेनन् ।

लुम्बिनीका रुबेन ट्रम्पलम्यान र शेर मल्लले समान २ विकेट लिए । किशोर महतो र अभिषेक गौतमले पनि समान १ विकेट हात पारे ।

लिग चरणमा शीर्ष स्थानमा रहेको लुम्बिनीले पाँच खेलमा जित र एक खेलमा हार बेहोरेको थियो भने एक खेल वर्षाका कारण रद्द भएको थियो । सात खेलबाट ११ अंक जोड्दै लुम्बिनी पहिलो क्वालिफायरमा पुगेको थियो ।

त्यस्तै, दोस्रो स्थानमा रहेको सुदूरपश्चिमले सात खेलमध्ये पाँचमा जित र दुईमा हार बेहोरेको थियो । उसले १० अंक जोड्दै पहिलो क्वालिफायरमा स्थान बनाएको थियो ।

पहिलो क्वालिफायर जितेसँगै लुम्बिनी फाइनलमा पुगेको छ । सुदूरपश्चिमले भने फाइनल प्रवेशका लागि बुधबार हुने इलिमिनेटरको विजेतासँग दोस्रो क्वालिफायर खेल्नेछ ।

बुधबार हुने इलिमिनेटरमा काठमाडौं गोर्खाज र चितवन राइनोजबीच प्रतिस्पर्धा हुनेछ ।

प्रकाशित मिति : १ मंसिर २०८३, मंगलबार  ८ : २५ बजे

Your email address will not be published.

सहकारी ठगी मुद्दामा नेपाली सहित सात जनालाई कैद र जरिवाना

पोखरा । कास्की जिल्ला अदालतले पोखराको इमेज बचत तथा ऋण

भारत भ्रमणमा नेपालगन्ज–दिल्ली हवाई उडान र सुख्खा बन्दरगाह निर्माणलाई एजेण्डामा समावेश गर्न माग

नेपालगन्ज । प्रधानमन्त्रीको भारत भ्रमणमा नेपालगन्ज–दिल्ली सिधा हवाई उडान सञ्चालन

नेपालगन्जमा कर सप्ताह सुरु

नेपालगन्ज । राष्ट्रिय कर दिवस तथा कर सप्ताह २०८३ को

सुदूरपश्चिमलाई ६ विकेटले हराउँदै लुम्बिनी एनपीएलको फाइनलमा

काठमाडौं । सुदूरपश्चिम रोयल्सलाई पराजित गर्दै लुम्बिनी लायन्स नेपाल प्रिमियर

माछापुच्छ्रे बैंक र ट्याप ट्याप सेन्टबीच रेमिट्यान्स सम्झौता

काठमाडौ । नेपालमा विप्रेषण सेवालाई थप सहज, सरल, सुरक्षित तथा