काठमाडौं । शुक्रबार थप ६२३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ४ हजार ९४५ जनाको परीक्षण गर्दा ६२३ जनालाई संक्रमण देखिएको हो । यसमध्ये, पीसीआरबाट गरिएको परीक्षणबाट २४६ जनालाई संक्रमण देखिएको थियो भने एन्टिजेनमार्फत गरिएको परीक्षणबाट ३७७ जनामा संक्रमण देखिएको थियो ।
आज थपिएकासहित देशभर कोरोना भाइरसका सक्रिय संक्रमितको संख्या ५ हजार २४ पुगेको छ । जसमध्ये ४ हजार ८३४ जना होम आइसोलेसनमा रहेका छन् । यस्तै, १९० जना संस्थागत आइसोलेसन र ४९ जना आईसीयूमा छन् । ६ जनाको भेन्टिलेटरमा उपचार भैरहेको छ ।
पछिल्लो २४ घण्टामा ४८७ जना संक्रमणमुक्त भएका छन् ।
नेपालमा कोरोना संक्रमण सुरु भएयता हालसम्म कुल संक्रमितको संख्या ११ लाख ४३ हजार ६९७ पुगेको छ ।
प्रतिक्रिया