राजावादी आन्दोलनका कमाण्डर दुर्गा प्रसाईं

काठमाडौं । राजावादी आन्दोलन अन्तर्गत नवराज सुबेदी समुहले अन्ततः दुर्गा प्रसाईलाई कमाण्डर तोकेको छ । सुबेदीको नेतृत्वमा बनेको संयुक्त जनआन्दोलन समितिले व्यवसायी दुर्गा प्रसाईंलाई राजावादी आन्दोलनको कमाण्डर तोकेको हो ।

काठमाडौंमा आयोजित पत्रकार सम्मेलनमा समितिका संयोजक सुबेदी स्वयंले आन्दोलनको कमाण्डरमा प्रसाईलाई चयन गरिएको जानकारी दिएका हुन् । प्रसाईंको नेतृत्वमा भोलि राजावादीहरुले काठमाडौंमा प्रदर्शन गर्दैछन् ।

उता साजावादीहरुकै अर्को समुह राप्रपाले महामन्त्री डा. धवलशम्शेर राणाको नेतृत्वमा १ हजार १११ सदस्यीय जनआन्दोलन परिचालन समिति गठन गरिएको यसअघि नै जानकारी गराएको थियो । सुबेदी नेतृत्वलाई अस्वीकार गरेको राप्रपाले घुट्टै आन्दोलन गर्ने बताउँदै आएको छ ।