काठमाडौं । दुई दिनसम्म कोरोना संक्रमितको र मृतकको ग्राफ केही घटे पनि मंगलबार फेरि बढेको छ । मंगलबार फेरि कोरोना संक्रमित हुनेको संख्या ९ हजार कटेको छ भने मृत्यु हुनेको संख्या पनि २०० नाघेको छ ।
स्वास्थ्य मन्त्रालयले मंगलबार साँझ अपडेट गरेको पछिल्लो तथ्यांक अनुसार ९ हजार २४७ जना नयाँ संक्रमित थपिएका छन् । २२ हजार ८७ जनामा परीक्षण गर्दा यतिको संख्यामा संक्रमित थपिएका हुन् । मंगलबार कोरोना संक्रमणबाट निको हुनेको संख्या ५ हजार ७६७ रहेको छ । यो सोमबारको भन्दा केही कम हो ।
यस्तै पछिल्लो २४ घण्टामा कोरोना संक्रमणबाट मृत्यु हुनेको संख्या २१४ पुगेको छ । यससँगै हालसम्म ५ हजार २१५ जनाको मृत्यु भएको मन्त्रालयले जनाएको छ ।
प्रतिक्रिया