शुक्रबार ५४९ कोरोना संक्रमित थपिए, देशभर १० हजार १५१ सक्रिय संक्रमित

काठमाडौं । शुक्रबार कोरोना भाइरसका ५४९ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांक अनुसार ९७४६ जनामा गरिएको परीक्षणमा झण्डै ५५० जना संक्रमित थपिएका हुन् ।

२४ घण्टाको बीचमा ५६९ जना संक्रमित संक्रमणमुक्त भएका छन् । यसैअवधिमा ६ जनाको मृत्यु भएको छ ।

शुक्रबारसम्म देशभर १० हजार १५१ जना सक्रिय संक्रमित रहेको मन्त्रालयले जनाएको छ ।