थपिए नेपालमा २५०८ नयाँ कोरोना संक्रमित, १७ जनाको थप मृत्यु

काठमाडौं । नेपालमा पछिल्लो २४ घण्टामा २५०८ जना नयाँ कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ९२७९ पीसीआर परीक्षण भएकोमा २५०८ जनामा कोरोना संक्रमण पुष्टि भएको हो ।

मन्त्रालयका अनुसार सोही समयमा २२६४ जना कोरोना मुक्त भएकाछन् भने २४ घण्टामा नेपालमा १७ जना कोरोना संक्रमितको ज्यान गएको छ । नेपालमा शनिबार सम्ममा १ लाख ७० हजार ७४३ जनामा संक्रमण पुष्टि हुँदा १ लाख ३१ हजार २२२ जना कोरोना मुक्त भईसकेका छन् । देशमा ९३७ जना कोरोना संक्रमितको उपचारका क्रममा मृत्यु भएको छ ।