काठमाडौं । नेपालमा पछिल्लो २४ घण्टामा २ हजार २९५ जना कोरोना संक्रमित थपिएका छन् ।
१६ हजार २३३ जनामा गरिएको परीक्षणमा झण्डै २३ सय नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ११ हजार ८९२ पीसीआर परीक्षण गर्दा १ हजार ९०२ जनामा संक्रमण पुष्टि भएको छ । यस्तै, ४ हजार ३४१ एन्टिजेन परीक्षण गर्दा ३९३ जनामा संक्रमण देखिएको छ ।
पछिल्लो २४ घण्टामा १ हजार ८०८ जना संक्रमणमुक्त भएका छन् । आज संक्रमित हुनेको संख्या भन्दा संक्रमणमुक्त हुनेको संख्या कम रहेका छ । जसका कारण सक्रिय संक्रमितको संख्या आज केही बढेको छ । ३५ हजार ८७४ जना सक्रिय संक्रमित रहेको मन्त्रालयले जनाएको छ ।
२४ घण्टाकै बीचमा १६ जना कोरोना संक्रमितको मृत्यु भएको छ ।
प्रतिक्रिया