बुटवल । कपिलवस्तुमा जनता समाजवादी पार्टीको नेताहरुलाई नेकपा एमाले प्रवेश गराउन जाने क्रममा सोमबार साँझ एमाले अध्यक्ष केपी ओली बुटवल पुगेका छन् । सोमबार राती ८ बजे भैरहवा स्थित बिमानस्थलमा अवतरण गरेका अध्यक्ष ओली तिलोत्तामाको मणिग्राम स्थित ड्रिमल्याण्ड गाल्ड रिसोर्टमा बास बसेका छन् ।
मंगलबार दिउँसो कपिलवस्तुको बहादुरगन्जमा पुराना नेता मंगलप्रसाद गुप्तासहित जसपा र अन्य पार्टीका नेताहरुलाई एमाले प्रवेश गराउने क्रममा कसपलव्स्तु पुग्ने क्रममा ओली बुटवल पुगेका हुन् । पूर्व सांसद गुप्ता २०७४ को निर्वाचनमा कपिलबस्तु ३ बाट संघीय समाजवादी फोरमको उम्मेदवार थिए । जिल्लामा निकै लोकप्रिय मानिएका गुप्ता सहित उनका सहकर्मीहरुको एमाले प्रवेशले कपिलवस्तुमा एमालेको संगठन थप बलियो हुने एकाले नेताहरुले अपेक्षा गरेका छन् ।
मौसमका कारण बिमान उड्ने अनिश्चित हुन सक्ने अवस्थालाई मध्यनजर गर्दै अध्यक्ष ओली पार्टी प्रवेश कार्यक्रमको अभिल्लो दिन नै बुटवल पुगेका एमालेले जनाएको छ ।
गत मंसिर १ गते बाँकेको नेपालगन्जमा हृदयश त्रिपाठी निकट रहेर राजनीति गरिरहेका नेता पशुपति दयाल मिश्रसहितका सयौं कार्यकर्ताहरु एमाले प्रवेश गरेका थिए । उनीहरुलाई एमाले प्रवेश गराउन पनि ओली नेपालगन्ज पुगेका थिए ।
प्रतिक्रिया