रुपन्देही ३ (ख) बाट प्रदेशसभामा एमालेका चाैधरी विजयी

भैरहवा । रुपन्देही क्षेत्र नम्बर ३(ख) बाट प्रदेशसभा सदस्य नेकपा एमालेका नेता तुलसीप्रसाद चाैधरी विजयी भएका छन् ।

चाैधरीले नेपाली काँग्रेसका उम्मेदवार रामचन्द्र ढकाललाई २०१ मतान्तरले पराजित गरेका हुन् ।

प्रदेशसभामा निर्वाचित चाैधरीले १६ हजार ३९४ प्राप्त गर्दा काँग्रेसका ढकालले १६ हजार १९३ मत ल्याए । निर्वाचन अधिकृतकाे कार्यालयका अनुसार नागरिक उनमुक्ति पार्टीकी नन्दकुमारी थापा चाैधरीले ५ हजार ९७८ मत पाइन् । यस्तै, हाम्रो नेपाली पार्टीका खड्कबहादुर रानाले ३ हजार ७३३ मत ल्याए ।

प्रदेशसभा सदस्यमा विजयी चाैधरी यसअघि पनि यही क्षेत्रबाट निर्वाचित भएका थिए । उनी एमाले केन्द्रीय अनुशासन आयाेगका सदस्य हुन् ।