शहरी क्षेत्रमा अपेक्षाकृत मत नआएकोमा एमाले गम्भीर

काठमाडौं । सत्तारुढ दल नेकपा एमालेले शहरी क्षेत्रमा अपेक्षा अनुरुप मत प्राप्त नभएको समीक्षा गरेको छ । मंगलबार बसेको पार्टीको सचिवालय बैठकले गत १६ मंसिरमा भएको उपनिर्वाचनको परिणामबारे समीक्षा गर्दै शहरी क्षेत्रमा अपेक्षा अनुरुप मत प्राप्त नभएको ठहर गरेको हो ।

सचिवालय बैठकमा उपनिर्वाचनबारे समीक्षा गर्दै निर्वाचनको परिणामलाई गम्भीरतापूर्वक लिएको पनि एमालेले जनाएको छ ।

बैठकपछि सञ्चाचरकर्मीहरुसँग कुरा गर्दै एमाले उपमहासचिव प्रदीप ज्ञवालीले उप निर्वाचनको परिणामलाई एमालेले गम्भीरतापूवर्क लिएको बताए । उनले काठमाडौंको कीर्तिपुर नगरपालिका, वडा नम्बर १६ लगायतका शहरी क्षेत्रमा अपेक्षा गरे अनुरुप मत प्राप्त नभएको बताउँदै मत परिणामप्रति एमाले गम्भीर भएको बताए ।