नेपालगन्ज । शुक्रबार बाँकेबाट ६० वर्षिय महिलासहित ६० जना कोरोना संक्रमित आइसोलेसन अवधि पुरा गरेर डिस्चार्ज हुँदैछन ।
शुक्रबार सम्ममा बिना लक्षण आईसोलेट भएर १४ दिन पुरा गरेका १९ महिला र ४१ पुरुष गरी ६० जनालाई घर पठाउन लागिएको स्वास्थ्य कार्यालय बाँकेका फोकल पर्सन नरेश श्रेष्ठले बताए । श्रेष्ठका अनुसार उनिहरुलाई भदौ १८ गते कोरोना संक्रमण देखिएपछि आइसोलेसनमा राखिएको थियो ।
आज डिस्चार्ज भएसङ्गै बाँकेमा कोरोना संक्रमणबाट निको हुनेको संख्या १ हजार १ सय ९२ पुगेको छ ।
अहिले बाँकेमा विभिन्न आइसोलेसन केन्द्रमा अन्य जिल्लाका ३ जना समेत गरी ३ सय ३८ जना संक्रमित उपचाररत छन् । बाँके जिल्लामा हालसम्म कोरोनाबाट संक्रमितको संख्या १ हजार ५ सय ४६ रहेको छ भने भने ४ पुरुष र ४ महिला गरी ८ जनाको कोरोनाका कारण मृत्यु भईसकेको छ ।
प्रतिक्रिया