खजुरा खानेपानीमा सत्ता गठबन्धनका उम्मेदवारको जीत

खजुरा । बाँकेको खजुरा खानेपानी तथा सरसफाई उपभोक्ता समितिको निर्वाचनमा सत्ता गठबन्धन निकट प्यानलका उम्मेदवारहरु बिजयी भएका छन् । शनिबार सम्पन्न निर्वाचनमा प्रमुख विपक्षी एमाले र राप्रपा गठबन्धनका अधिकाँस उम्मेदवारहरु पराजीत भएका छन् ।

दलगतरुपमा छुट्टछुट्टै प्यानल बनाएर चुनावी मैदानमा उत्रिएका उपभोत्ताहरुमा काँग्रेस निकट नोकबहादुर गोदार (अरबिन्द) प्रतिद्वन्दी एमाले निकट उम्मेदवार सतिस निरौलालाई ६४ मतान्तरले बीजयी भएका छन् । निरौलाले २६९ मत ल्याउँदा गोदारले ३३३ मत प्राप्त गरेका छन् ।

त्यस्तै उपाध्यक्षमा एमाले निकट मोहन बहादुर खड्कालाई २८१ मतमा सिमित गराएर श्रवणध्वज खड्का २९२ मतका साथ बिजयी बनेका छन् भने सचिवमा एमाले निकट मिरा खनालले २६८ मत पाउँदा माओवादी निकट मदन सुनारले २८८ मतका साथ चुनाव जितेका छन् । कोषध्यक्षमा पनि एमालेका सिपी खड्काले प्राप्त गरेको २६७ मतका विरुद्ध माओवादीकी गिता सावकोटाले ३२१ मतका साथ बिजयी बनेकी छिन् ।

महिला सदस्यमा भने एमालेकी पम्फा तिवारी बिजयी बनेकी छिन् । उनले नन्दकली खरेललाई २६९ मतमा सिमित राख्दै ३०३ मत ल्याएर बिजयी बनेकी हुन् ।

६ जना सदस्यमा ३ जना एमाले निकट प्यानलबाट बिजण्ी भएका छन् भने ३ जना सत्ता गठबन्धनले हात पारेको छ । खानेपानीको चुनावलाई बाँकेमा दलहरुले आगामी स्थानीय तहको निर्वाचनको पूर्वसंकेतकारुपमा उपयोग गरेका थिए ।