खजुरा । माग भए अनुसार समयमा सूचना नदिएको भन्दै खजुरा गाँउपालिकाको वडा नम्बर ८ को वडा कार्यालयमा स्थानीयले ताला लगाइदिएका छन् । वडा कार्यालयले गरेको गतिबिधिको जानकारी माग गर्दै सूचना प्राप्त गर्न दिएको निवेदनको बेवास्ता गरिएपछि वडा कार्यालयमा तालाबन्दी गरिएको स्थानीयले बताएका छन् ।
ग्रामीण आवास कार्यक्रम, वडाले गरेको खर्च तथा हिमपाईप, बिजुली पोल लगायतको खर्च विवरण माग गर्दै स्थानीय नागरिकहरुको तर्फबाट सूचना माग गरेपनि वडा कार्यालयले सूचना दिन आनाकानी गरेको स्थानीय नारायण पौडेलले बताए ।
वडा नम्बर ८ का वडा अध्यक्ष फिरोज खानले भने वडाले गरेका सबै क्रियाकलापहरु वडा कार्यालयको सूचनापाटीमा टाँस गरिएको तर स्थानीयबाटै त्यस्ता सूचनाहरु च्यात्ने काम गरिएका कारण कतिपय स्थानीय सूचना पाउनबाट बन्चित भएको बताए । उनले पालिकाको कुनै भूमिका नरहेको ग्रामीण आवासका विषयमा पटक पटक सूचना माग गरिएको र सो सम्बन्धमा वडा कार्यालयलाई जानकारी नहुने बताए ।
प्रतिक्रिया