काठमाडौं । शुक्रबार देशभर ३६११ जना कोरोना संक्रमित थपिएका छन् ।
१४ हजार ६६१ जनामा गरिएको परीक्षणमा ३ हजार ६११ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ९७८३ आरटी पीसीआर परीक्षण गर्दा २ हजार ४६७ जनामा संक्रमण देखिएको छ । यस्तै ४ हजार ८७८ एन्टिजेन परीक्षण गर्दा १ हजार १४४ जनामा संक्रमण पुष्टि भएको छ ।
पछिल्लो २४ घण्टामा १ हजार ८१६ जना संक्रमणमुक्त भएका छन् । हालसमम कुल संक्रमितमध्ये ६ लाख ५२ हजार २६१ जना कोरोना संक्रमित संक्रमण मुक्त भैसकेका छन् । यो कुल संक्रमण दरको ९४ दशमलव १ प्रतिशत हो ।
पछिल्लो २४ घण्टामा २७ जना संक्रमितको मृत्यु भएको मन्त्रालयले जनाएको छ । हालसम्म नेपालमा ९ हजार ८३४ जनाको मृत्यु भैसकेको छ।
प्रतिक्रिया